реклама
Лидерот на Демократско Движење, Изет Меџити вчера во дебатниот магазин „Click Plus“ на ТВ21 истакна дека земјата паднала на дереџе да нејзиниот пат кон Европската Унија зависи од екс премиерот и бегалец Никола Груевски.
„За жал сме дојдени во ситуација, судбината на евроинтеграциите да биде во раце на Будимпешта, на Унгарија, на Груевски. Токму за тоа во минатото, поради неинтеграција, поради немање на соработка со меѓународниот фактор, бидејќи интересите на граѓаните не беа во прв ред, дојде до тоа тој да избега од судството и сега да е во бегство. Индикативно е, ако има црна дамка во ЕУ, тоа е Унгарија, а ние баш со Унгарија сакаме Македонија да ја зачлениме во ЕУ.“, порача Меџити.
реклама
Тој вели дека има доволно аргументи за тоа, особено усвојувањето на Кривичниот законик, со кој ќе се избришат околу 70-80% од делата на Груевски и другите.
„Ова го донесе парламентарното мнозинство, и повеќе од јасно е дека ова е инвестиција на Никола Груевски за негово враќање. Тие што му помогнаа да избега, сега му помагаат да се врати, но да се врати како херој“, додава Меџити.
реклама
