Петмина луѓе се убиени откако еден маж пукал во дом за стари и немоќни лица во хрватскиот град Дарувар. Локалните медиуми објавија дека во инцидентот се ранети уште пет лица, но тежината на нивните повреди засега не е позната.
Сајтот „Мој портал“ објави дека еден маж влегол во домот и почнал да пука во луѓето, при што петмина загинале на самото место. Убиецот побегнал, но набргу потоа бил фатен од полицијата.
Човекот кој го изврши масакрот во Домот за стари и изнемоштени лица во Дарувар, Хрватска подоцна е идентификуван како пензиониран воен полицаец, Крешимир П.(51), пренесуваат хрватските медиуми. Според информациите, една од жртвите била неговата мајка.
Извор: 24vesti.mk
