Турција во последните месеци ги засили операциите против членовите на Исламската држава, која ја презеде одговорноста за голем број смртоносни напади во Турција, вклучувајќи го и нападот во ноќен клуб во Истанбул на 1 јануари 2017 година, во кој загинаа 39 лица
Турските власти уапсија речиси 200 лица осомничени дека ѝ припаѓаат на екстремистичката група Исламска држава во серија операции низ земјата, соопшти денеска турскиот министер за внатрешни работи Али Јерликаја.
Во пораката на платформата „Икс“ тој напиша дека 189 осомничени се уапсени во 37 градови, од кои 27 во Анкара и 22 во Истанбул.
Турција во последните месеци ги засили операциите против членовите на Исламската држава, која ја презеде одговорноста за голем број смртоносни напади во Турција, вклучувајќи го и нападот во ноќен клуб во Истанбул на 1 јануари 2017 година, во кој загинаа 39 лица.
Турските власти вчера веќе објавија дека уапсиле 32 осомничени членови на Исламската држава, од кои тројца се важни членови на групата, а кои се осомничени за планирање напади врз цркви и синагоги, како и врз ирачката амбасада.
Полицијата минатата недела објави дека извршила голема операција во 32 града во земјата и уапсила повеќе од 300 лица осомничени за врски со Исламска држава.
Извор: 360stepeni.mk
