реклама
Вицепремиерот за европски прашања Бојан Маричиќ, во летното издание на „Клик Плус“ на ТВ21 кажа дека после форумот во Блед, 2030 година веќе е реална година после изјавите на Шарл Мишел и Емануел Макрон.
„После Блед мислам дека 2030 е реална година. Да следуаат 5-6 години преговори, потоа ратификација на договорите и на крај членство. Тука се Украина и Молдавија, земји со големо стратешко значење, но и државите од Западен Балкан кои се надеваат 20 години. Притисокот е преголем, моментот е вистински, и неслучајно сега доаѓаат изјавите на Мишел и Вархеи кои кажаа дека 2030 година е реален рок. Конфузијата настанува од оние кои сакаат да најдат лоша вест во добрата вест, влакно во јајцето, нешто во кое ќе се разочараме. Изјавата е пресвртница и треба да ја искористиме“, вели Маричиќ.
реклама
Тој кажа дека говорот на Макрон „Европа во повеќе брзини“ не е ништо ново.
„Макрон тоа што го кажува не е нова идеја. Јас деновиве читав за да се потсетам, уште во 1994 година на заедничка прес-конференција тогаш на Митеран и Кол, се зборува за Европа во повеќе брзини, а тоа е идеја претставена пред се од француските политичари, дека одредени држави членки не се подготвени секогаш да одат подлабоко во интеграцијата. Во тоа време Британија, Шведска и Данска не сакале да го воведат еврото, а Шведска и Данска денеска и натаму не го користат еврото. Ние можеме побрзо да пристапиме кон ЕУ, а да ги немаме сите оние права и привилегии веднаш, туку етапно да ги добиваме“, изјави Маричиќ.
реклама
реклама
реклама
