Макрон и Путин имаа добри работни односи пред Русија да го нападне нејзиниот сосед во февруари 2022 година
Aко рускиот претседател Владимир Путин покаже волја да започне дијалог што може да изгради траен мир, Франција е подготвена да помогне, рече францускиот претседател Емануел Макрон.
Говорејќи во Брисел на крајот од самитот на кој лидерите на ЕУ одлучија да ги отворат преговорите за членство со Украина, Макрон рече дека останува отворен за дијалог со Путин за изнаоѓање мирно решение доколку рускиот лидер тоа го посака.
„Не го сменив мојот број. Ако претседателот Путин има подготвеност да се вклучи во дијалог и во сериозни предлози, да излезе од конфликтот и да изгради траен мир, што значи дека го почитува меѓународното право, а со тоа и украинските интереси и суверенитет, ќе го прифатам повикот“,
рече Макрон.
Макрон и Путин имаа добри работни односи пред Русија да го нападне нејзиниот сосед во февруари 2022 година.
Путин оваа недела рече дека нема да има мир додека Русија не ги постигне своите цели, кои според него остануваат непроменети по речиси две години борби.
Но, изјави и дека Русија е подготвена да ја продолжи интеракцијата со Франција, дека имал добра соработка со Макрон, но дека францускиот претседател ја прекинал.
Извор: 360stepeni.mk
