Продолжува одливот на население од земјава. На удар најмалите гратчиња во кои остануваат да живеат само пензионерите.Таков е примерот со Македонски брод, од година во година ова место се повеќе се испустува, услови за младите нема па тие иднината си ја бараат надвор.
Но, се иселуваат и цели фамилии од Поречкиот крај кој е најиселен во земјава – не гледаат перспектива тука, нема фабрики, нема работа .Се се сведува на политика и партиски вработувања велат жителите на Брод.
Ваквата слика за жал се повторува во сите други градови низ државава. Бројките на иселени деца и млади последниве години е алармантна. Таков е примерот со Куманово каде вкупно 174 ученици од основни и средни училишта се отпишале на крајот на првото полугодие, се отселиле во странство или во друг град во земјава.
Просветните работници велат државата мора многу сериозно да се посвети на проблемот со одливот на млади и квалитетни мозоци, да ја искорени корупцијата но и да ги приближи или изедначи работните услови со државите од регионот инаку миграциите во иднина ќе бидат уште поинтензивни.
Податоците на Заводот за статистика покажуваат дека Македонија во последните седум години изгубила 17.000 ученици низ сите училишта во земјава.
Извор: 24vesti.mk
