Лажна информација за бомба во авион од Полска за Грција

Авионот слетал во изолирана област на меѓународниот аеродром во Атина во Грција по доцнење од речиси два и пол часа. Потоа од патниците било побарано да се симнат, а нивниот багаж бил нареден надвор од авионот

Дојава за бомба е пријавена вчера на летот на „Рајанер“ од Полска за Грција. Медиумите наведуваат дека веднаш по тревогата грчки воени авиони се обиделе да го придружуваат летот. На летот, кој полетал од Катовице во Полска, имало над 190 луѓе.

Според извештаите, пилотот на авионот „боинг 737“ предупредил за евентуално постоење на експлозивен механизам.

Авионот слетал во изолирана област на меѓународниот аеродром во Атина во Грција по доцнење од речиси два и пол часа. Потоа од патниците било побарано да се симнат, а нивниот багаж бил нареден надвор од авионот.

Подоцна полицијата во соопштение напиша дека од темелната проверка на патниците и на авионот не било откриено ништо сомнително.