ИСТАНБУЛ (АА) – Генералниот комесар на Агенцијата на Обединетите нации за палестински бегалци (УНРВА) денес изрази загриженост поради континуираното раселување на Палестинците од нивните домови, сугерирајќи дека нема безбедни зони во Газа, јавува Анадолу.
„Израелските власти продолжуваат да издаваат наредби за принудно раселување, познати и како „наредби за евакуација“.
Тој истакна дека од почетокот на војната минатиот октомври, повеќето луѓе во Газа се раселиле повеќепати и „очајно трагаа по безбедност што никогаш не ја најдоа“.
„Тврдењето за „безбедни зони“ е лажно и е измама. Ниту едно место во Газа не е безбедно. Точка“, додаде тој.
Агенцијата на ОН процени дека најмалку 150.000 луѓе биле принудени да ја напуштат Рафа од понеделникот, кога Израел издаде наредба жителите да се евакуираат и продолжи со операцијата и покрај меѓународната загриженост.
Во израелските напади во Појасот Газа досега загинаа речиси 35.000 Палестинци. Нападите започнаа како одмазда за прекуграничниот упад на Хамас на 7 октомври, во кој загинаа околу 1.200 лица. Според ОН, околу 85 отсто од 2,3 милиони жители на енклавата се внатрешно раселени, и постои голем недостиг на храна, вода и лекови.
Извор: Anadolu Agency (AA)
