„Ла Стампа“ подметна „бомба“, „Ла Стампа“ ја деактивираше.
На истата страница на влијателниот весник каде што синоќа, еден час пред полноќ, се појави фудбалска ексклузива на годината во Италија, утрово се појави демант.
„Утрово, откако „Ла Стампа“ ја објави сторијата, клубот категорично ги негираше тврдењата: Германскиот тренер, светска икона по годините поминати во Ливерпул и Борусија Дортмунд, нема да седи на клупата на Рома“, се наведува во краткиот текст.
Целата врева се крена кога Рома објави видео во кое култните споменици на „Вечниот град“ се појавуваат по специфичен редослед: Колосеум, Лупа, Олимпико, Пјетро Сан, Пантеон.
Во Рим и пошироко, вклучувајќи ги и редакциите што ги следат случувањата во клубот го препознаваа акростихот (K.L.O.P.P) во сè и мислеа дека ја решиле мистеријата, но Колосеумот отсекогаш и засекогаш се пишувал со „C“ на латински и италијански.
Така, во еден необичен низ на настани, секој што се разбуди овој вторник и помисли дека ќе најде повеќе детали за спектакуларниот „договор“ меѓу Рома и Клоп на страниците на „Ла Стампа“… најде негирања.
Дали ова значи дека Клоп никогаш нема да стане тренер на Рома или дека едноставно не е официјално во овој момент, ќе дознаеме во наредните недели.
Дотогаш, останува вистина дека еден од најуспешните и највлијателните тренери денес е ангажиран како раководител на глобалниот развој на фудбалот во компанијата „Ред Бул“.
Извор: kurir.mk
