МВР поднесе кривична пријава против лицето Б.С. (64) осомничен за силување на малолетно од Македонски Брод!
„Б.С. се сомничи дека на 03.04.2025 во Македонски Брод бакнувал и допирал по телото малолетно девојче од Македонски Брод. На настанот од 03.04.2025 му претходел ист таков настан на 07.03.2025 од Б.С. кон истото девојче, за што од страна на очевидци било пријавено во Центарот за социјални работи во Македонски Брод“, вели МВР.
Како што дознава ТВ21, малолетното девојче живеело во згрижувачко семејство од Македонски Брод. Се вели дека осомничениот бил редовен клиент во продавницата на семејството кое се грижи за девојчето.
Актуелниот директор на Центарот за социјални работи, Александер Богатиноски, пред неколку дена е назначен. Тој рече дека МВР работи на случајот како и на прашањето „Центарот за социјални работи не реагирал навреме?“.
„Кога се случи настанот и кога беше пријавен јас не бев директор, МВР го испитува случајот и работи на расчистување на случајот, очекуваме подетално да не известат за случајот“, вели Александар Богатиновски.
Во меѓувреме, поранешниот директор не сакаше да одговори на нашите прашања.
ТВ21 дознава дека синоќа во полициската станица Македонски Брод бил на распит вработен во Центарот за социјални работи, додека екс директор, Синиша Радески, се уште не е повикан на информативен разговор.
Од судија на претходна постапка на лицето Б.С. му е изречена мерка притвор во траење од 30 дена, а е испратен во затворот во Битола.
ИЗВОР: ТВ 21
