Неодамна македонската јавност ја потресе информацијата дека во Хрватска е запленета зелка со присуство на опасен инсектицид, која потоа беше уништена.
По овој повод се огласи д-р Нико Беќаровски, кој даде стручно објаснување за инсектицидот имидаклоприд.
Според него, важно е јавноста да ги знае следниве факти:
Имидаклоприд е инсектицид од групата неоникотиноиди со ниска токсичност за луѓето.вОд 2018 година е целосно забранет во Европската унија, според препораката на Европската агенција за безбедност на храна (EFSA), поради неговото штетно влијание врз пчелите.
Според др Беќаровски за луѓето, неговата токсичност е еднаква или помала од таа на дозволените пестициди.
-Македонија треба да го исклучи имидаклоприд од употреба за да ги заштити пчелите, кои сè поретко се среќаваат. Јас лично би одбрал зелка прскана со имидаклоприд отколку со инсектициди како етиол, децис или ланате, кои сè уште се користат во Македонија“, вели д-р Беќаровски.
Според него не постојат научни докази дека имидаклоприд предизвикува рак кај луѓето.
Во Македонија останаа премалку обработливи површини со еколошки прифатлива почва и атмосфера.
Со ова објаснување, д-р Беќаровски ја повика јавноста да се фокусира на заштитата на животната средина и одговорното користење на хемиски средства.
ИЗВОР: racin.mk
