Финската влада денес му предложи на својот парламент да го измени законот и кривичниот законик со цел да се отстранат законските пречки за увоз на нуклеарно оружје во Финска, како и за негов транспорт, снабдување или поседување, објави Министерството за одбрана.
Се додава дека целта е да се подобри националната одбрана, колективната одбрана на НАТО и одбранбената соработка.
„Предлогот има за цел да ја зголеми безбедноста на Финска во непредвидлива стратешка средина“, рече министерот за одбрана Анти Хаканен, нарекувајќи го законскиот амандман „неопходен“.
Хаканен во март изјави дека безбедносната средина во Финска и Европа фундаментално се променила и се влошила со руската инвазија на Украина во 2022 година.
Извор: vecer.mk
