Прекинот на огнот меѓу Израел и Хамас влегува во вториот ден. Деведесет палестински затвореници беа ослободени во текот на ноќта како дел од првата фаза од прекинот на огнот, соопшти израелската затворска служба – повеќето од нив жени и тинејџери.
Три израелски жени, вклучително и двојна британска државјанка, претходно беа ослободени од Хамас – тие се лекуваат во болница во Тел Авив и се во стабилна состојба. Но сепак дека примирјето е кревко покажува изјавата на Израелскиот екстремно десничарски министер за финансии Безалел Смотрич кој зборуваше на Израелското воено радио за поддршка на израелската окупација на целиот Појас Газа.
– Треба да го окупираме целиот појас и да воспоставиме воена управа таму. Не постои „трета сила“ која може да гарантира безбедност таму. – Безалел Смотрич, Министер за финансии на Израел
Министерството за здравство на владата на Хамас во Газа објави дека најмалку 46.913 лица загинале, а 110.750 се ранети во текот на повеќе од 15 месеци војна со Израел. Билансот е ажуриран до полноќ, пред да стапи на сила договорот за примирје. Американскиот претседател Џо Бајден се обрати од Јужна Каролина, по ослободувањето на трите израелски заложнички од Газа.
– По толку болка, уништување, загуба на животи денес, оружјето во Газа замолкна. Стотици камиони влегуваат во Газа „додека зборувам“. „Тие носат помош за цивилите кои многу настрадаа од војната што Хамас ја започна на 7 октомври 2023 година, пред речиси 15 месеци.“ – Џо Бајден Претседател на САД.
Снимка со беспилотно летало од северна Газа, направена за Си-Ен-Ен на првиот ден од прекинот на огнот, го покажува огромниот размер на уништувањето предизвикано од петнаесетмесечната војна. Претседателот на Европскиот совет Антонио Коста исто така го поздрави прекинот на огнот во Газа и почетокот на ослободувањето на преостанатите заложници кои ги држеше Хамас.
Извор: 24vesti.mk
