Дали претседателот на Собранието Африм Гаши ја зоупотребил функцијата и користел службено возило за приватни цели во Косово. Медиумот „Индекс“ синоќа објави видео снимка на која наводно се гледа неговото службено возило како дел од свадбарска колона.
Од Либерално демократската партија бараат одговори дали ако собранискиот претседател Африм Гаши имал патен налог, по кој основ е издаден истиот, за која намена, во колкаво времетраење и колку сето тоа ги чини граѓаните со чии средства од даноците се одржуваат службените возила.
Од Кабинетот на собранискиот спикер Гаши ја потврдуваат веста, но велат дека нема ништо незаконско зашто претседателот е придружуван од обезбедување, како што наведуваат, 24/7.
Претседателот на Собранието на 17 август, заедно со неговото семејство, отпатува во соседната земја Косово. Оваа посета беше целосно транспарентна и усогласена со сите потребни процедури. Пред поаѓањето уредно беа известени и Министерството за внатрешни работи и МНР и e доставена сета потребна документација според утврдениот протокол за секое службено лице кое ја напушта државата, велат од кабинетот на Гаши.
Извор: 24vesti.mk
