ЖЕНЕВА (АА) – Јужноафриканската Република вчера поднесе барање за започнување на постапка против Израел пред Меѓународниот суд на правдата (ICJ), барајќи од судот да одреди времени мерки, известува Анадолу.
„Пријавата е поднесена во врска со наводни кршења на обврските на Израел кон Конвенцијата за спречување и казнување на злосторство геноцид извршен врз Палестинците во Појасот Газа“, се наведува во соопштението на Меѓународниот суд на правдата.
Во пријавата се вели дека делата и пропустите на Израел се од геноциден карактер, биејќи се сторени со потребата на специфична намера да се уништат Палестинците во Газа како дел од поширока палестинска национална, расна и етничка група.
„Однесувањето на Израел, преку неговите државни органи, државните агенти и други лица и ентитети кои делуваат по нивни упатства или под нивно водство, контрола или влијание, во однос на Палестинците во Газа, претставува кршење на неговите обврски кон Конвенцијата за геноцид“, се вели во соопштението.
Јужноафриканската Република во пријавата го обвини Израел дека не спречил геноцид и дека спроведува директно и јавно злосторство на геноцид.
„Израел се вклучи, се вклучува во понатамошно ангажирање во геноцидни дела против палестинскиот народ во Газа“, наведе Јужноафриканската Република во пријавата.
Од Меѓународниот суд на правдата е побарано да се одредат времени мерки за да се спречи понатамошна, тешка и непоправлива штета врз правата на палестинскиот народ според Конвенцијата за геноцид, за да се обезбеди Израел да ги почитува своите обврски кон Конвенцијата за геноцид, да не учествува во геноцид, да го спречи и да го казни геноцидот.
Извор: www.aa.com.tr
