Јапонските власти планираат да започнат со испуштање на прочистената радиоактивна вода од нуклеарната централа Фукушима кон крајот на август, само неколку недели пред почетокот на сезоната на риболов во овие предели, објавија јапонските медиуми
Официјалната објава од страна на јапонските власти се очекува да биде соопштена по средбата на премиерот Фумио Кишида со американскиот претседател Џо Бајден и јужнокорејскиот претседател Јун Сук Јеол. По завршувањето на планираната средба, се очекува лидерите на земјите да дадат објаснување за безбедноста на водата која треба да се испушти.
Одлуката за испуштање на радиоактивна вода дојде откако минатиот месец, јапонскиот нуклеарен регулатор му даде зелено светло на операторот на централата Токио Електрик Пауер да започне со ослободување на водата – за која Јапонија и Меѓународната агенција за атомска енергија велат дека е безбедна, но блиските земји стравуваат дека може да ја загади храната.
Кина веќе предупреди дека испуштање на радиоактивни води ќе влијае на еко-системот и им порача на кинеските граѓани да не конзумираат морска храна која доаѓа од Јапонија.
Извор: 360stepeni.mk
