Извршниот директор на Анадолу за етичките предизвици на вештачката интелигенција во медиумите на конференција на АБНА-СЕ

September 4, 2024
2 mins read

ИСТАНБУЛ (АА) – На 32. Генерално собрание на Асоцијацијата на балканските новински агенции – Југоисточна Европа (АБНА-СЕ), со која годинава претседава Анадолу, денес во Истанбул се одржа конференција за односот помеѓу вештачката интелигенција (ВИ) и медиумите, јавува Анадолу.

Домаќин на конференцијата под наслов „Навигација на односот помеѓу вештачката интелигенција и медиумите“ беше Анадолу, а организирана е од членовите на делегацијата на Асоцијацијата на балканските новински агенции – Југоисточна Европа (АБНА-СЕ), со присуство на турскиот министер за индустрија и технологија Мехмет Фатих Каџир, претседателот и извршен директор на Анадолу, Сердар Караѓоз, и генералниот секретар на АБНА-СЕ, Кирил Валчев.

Во својот говор Караѓоз ги истакна етичките предизвици што ги поставува вештачката интелигенција (ВИ) во медиумите, опишувајќи ги медиумите како „колективна меморија на човештвото“ и ја нагласи трансформативната улога што ја игра вештачката интелигенција во преобликувањето на новинарството.

Тој истакна дека вештачката интелигенција не е само технолошки напредок туку „длабок интелектуален предизвик“, повикувајќи ја индустријата да размисли дали машините навистина можат да ги сфатат човечкото искуство и етичките вредности.

Караѓоз наведе примери од реалниот свет за недостатоците на вештачката интелигенција, вклучително и алатката за вработување базирана врз вештачка интелигенција од Амазон, која бешe тргната од употреба поради „систематска пристрасност кон женските кандидати“.

Тој, исто така, го истакна алгоритамот за кропирање на Х (Твитер), кој покажа расна пристрасност со непропорционално избирање бели лица.

„Овој пример ни покажува дека вештачката интелигенција можеби не е секогаш во согласност со принципот на непристрасност“, рече Караѓоз.

Зборувајќи за импликациите на вештачката интелигенција во известувањето за конфликтите, Караѓоз изрази загриженост за веродостојноста на вештачката интелигенција, наведувајќи го конфликтот меѓу Израел и Газа.

„Кога ја прашуваме вештачката интелигенција за израелските воени злосторства, не добиваме точни и непристрасни резултати“, изјави тој, нагласувајќи ја етичката одговорност во примената на вештачката интелигенција во новинарството.

Тој ја истакна посветеноста на Анадолу на развојот на одговорни системи за вештачка интелигенција во соработка со Фондацијата за технологија T3.

„Планираме да воведеме нови методи во новинарството со ефективно и одговорно користење на технологијата“, рече тој.

Освен тоа, во воведниот говор Кирил Валчев, генерален секретар на АБНА-СЕ, ги повтори чувствата на Караѓоз, нагласувајќи дека иако вештачката интелигенција може да го подобри медумското работење, таа не може да ги замени човечката креативност и емоции.

„Не можам да замислам место во светот каде што вештачката интелигенција ќе го замени природното создание на Бога, луѓе“, рече тој, нагласувајќи дека „организација како нашата АБНА никогаш нема да стане голем компјутер во кој алгоритмите ќе донесуваат одлуки за нашата заедничка иднина на Балканот“.

Оваа конференција е корисна бидејќи е клучна платформа за меѓународна соработка за решавање на етичките предизвици меѓу вештачката интелигенција и медиумите.

Меѓу останатите учесници на конференцијата присуствуваа и извршниот директор на „Bilisim Vadisi“, Еркам Тузѓем, заменик-генералниот директор и главен уредник на Анадолу, Јусуф Озхан, координаторот на Академијата и публикации на Анадолу, Јахја Бостан, и координаторот на Публикации и продукција на Анадолу, Огуз Караѓоз.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.

Извор: Anadolu Agency (AA)

VERO JUMBO MACEDONIA

EVN MACEDONIA

MARKETING

Претходно

Арина Сабаленка по осми пат ќе игра во полуфинале на Грем Слем турнир

Следно

Казни во висина од 8,5 милиони евра за неправилности на плажите во Грција

Latest from Blog

Кои се сестрите Надер? Ги нарекуваат новите Кардашијан

Серијата во голема мера се потпира на проверена и вистинита формула: атрактивните сестри се ослободуваат од традиционалното воспитување, минуваат низ јавни раскинувања, лансираат модни линии и се караат пред камерите за време

Поранешниот голман на Арсенал го купува славниот клуб од Минхен и ќе гради нов стадион

фото: Sky Sports UK (X) Поранешниот голман на Арсенал и на германската репрезентација, Јенс Леман, ќе стане ко-сопственик на германскиот третолигаш Минхен 1860, објави „Абендцајтунг“. Според изворот, поранешниот голман е сериозно решен

Пoчина политичкиот активист Чарли Кирк

Политичкиот активист и подкастер Чарли Кирк почина, објави Доналд Трамп на Truth Social. Претседателот на САД, Доналд Трамп, денес објави дека конзервативниот активист Чарли Кирк почина откако беше застрелан на настан во

Градското дерби на Манчестер осакатено: 12 играчи го пропуштаат неделниот меч на „Етихад“

Голем бран на повреди ги погоди таборите на Манчестер Сити и Манчестер Јунајтед пред големото дерби кое ќе се игра на „Етихад“ овој викенд. Двата тима ќе го дочекаат дербито со „десеткуван“

РК Загреб поразен во Битола – Еурофарм Пелистер стартува со победа во Лигата на шампиони

Еурофарм Пелистер од Битола започна успешно новата сезона во Лигата на шампионите, совладувајќи го поранешниот европски првак Загреб со резултат 25-23. Натпреварот, кој се одигра во спортската сала „Боро Чурлевски“, беше прв
Go toTop