ИСТАНБУЛ (АА) – Израелските сили денес изведоа интензивни воздушни напади на неколку локации во Појасот Газа, соопшти Министерството за внатрешни работи и национална безбедност во Газа, пренесува Анадолу.
Министерството објави соопштение со деталите за серија напади на израелските сили на различни локации во Газа.
„Окупациските (сили) авиони извршија серија жестоки напади во близина на раскрсницата Сараја во центарот на градот Газа“, соопшти Министерството, додавајќи дека тие, исто така, „започнале жестоки напади врз областа Тал ал Заатар и околината на Индонезиската болница во северна Газа“.
Интензивни напади се извршени од авионите на израелските сили во северниот дел и центарот на градот Газа, во населбата Ал-Наср и во близина на Џабалија во северниот дел на Појасот, се наведува во соопштението.
Израел започна немилосрдни воздушни и копнени напади врз Појасот Газа, вклучувајќи и болници, домови и храмови, по прекуграничниот напад на палестинската група на отпорот Хамас на 7 октомври.
Во израелските напади врз Појасот досега загинаа најмалку 11.078 Палестинци, од кои 4.506 деца и 3.027 жени.
