РАМАЛА (АА) – Најмалку двајца Палестинци се повредени за време на рациите на израелските сили на окупираниот Западен Брег, соопшти палестинската Црвена полумесечина, пренесува Анадолу.
Израелските сили употребија гумени куршуми и солзавец против Палестинците кои се спротивставија на рациите во градот Наблус, изјавија очевидци.
Еден од повредените Палестинци бил погоден со вистински куршуми, се вели во соопштението на палестинската Црвена полумесечина.
Повредените Палестинци се пренесени во државната болница Рафидија во Наблус.
Израелските сили, исто така, приведоа шест Палестинци, од кои и еден новинар по име Мухамед Анвар Муна, за време на рациите во Наблус, објави палестинската официјална новинска агенција ВАФА.
Муна и претходно неколку пати беше приведуван.
Израелските сили често вршат рации во куќи на окупираниот Западен Брег и Источен Кудс и приведуваат Палестинци под различни обвиненија.
Одвреме-навреме избувнуваат судири меѓу палестинските жители и израелските војници.
Извор: www.aa.com.tr
