РАМАЛА (АА) – Израелската војска приведе над 50 Палестинци во окупираниот Западен Брег, пренесува Анадолу.
Информацијата преку писмено соопштение ја потврди Здружението на палестински затвореници.
Во соопштението се нагласува дека од 7 октомври кога започнаа израелските напади во Појасот Газа, кој е под блокада, продолжуваат рациите за приведување на Палестинците во различни делови на окупираниот Западен Брег.
Се истакнува дека израелските сили од полноќ досега привеле над 50 Палестинци на различни локации во Источен Кудс (Источен Ерусалим) и Западниот Брег.
Според соопштението, бројот на Палестинци кои Израел ги привел од 7 октомври досега на Западниот Брег се зголемил на 1.265.
