КУДС (ЕРУСАЛИМ) (АА) – Израелската војска синоќа го одби барањето на Агенцијата на Обединетите нации да дозволи влез на гориво во блокираниот Појас Газа додека траат воздушните напади врз палестинските територии, известува Анадолу.
„Горивото нема да влезе во Газа. На Хамас тоа му е потребно пореди неговата оперативна инфраструктура. Хамас може да го врати горивото што го украде од болницата на УНРВА“, соопшти портпаролот на израелската војска, Даниел Хагари, пренесува весникот „Хаарец“.
Агенцијата на ОН за палестинските бегалци (УНРВА) вчера предупреди дека активностите во Појасот Газа ќе престанат в среда навечер доколку не се достави гориво во енклавата.
„Активностите во Газа ќе бидат запрени утре доколку не добиеме гориво“, наведоа од УНРВА.
Израел ја бомбардира Газа по ненадејниот напад на Хамас на 7 октомври, ставајќи ја целата енклава под блокада, поради што 2,3 милиони жители се со малку вода, гориво и медицински материјали.
Израелската војска продолжи со своите интензивни напади врз Газа, во кои уништи цели квартови.
Најмалку 5.791 Палестинец ги загубија животите во израелските напади на Газа, а повеќе од 1.400 Израелци загинаа во нападите на Хамас, од 7. октомври досега.
