Двојните избори напролет ќе нè чинат 17 милиони евра. Од Државната изборна комисија информираа денеска дека над десет милиони евра се предвидени за платено политичко рекламирање на учесниците, додека над шест милиони евра ќе се искористат за организацијата на изборите, гласачките материјали, како и хонорарите за членовите на избирачките комисии на претстојните претседателски и парламентарни избори. На денешната седница на ДИК беше соопштено дека Министерството за финансии веќе ги одобрило средствата што од нив биле побарани. Членовите на Комисијата уште еднаш повторија дека согласно законските измени од 2020 година, и овие избори ќе се организираат со идентификација на гласачите преку отпечаток од прст. Од ДИК додаваат дека нејзините членови и вработени веќе една година се подготвуваат изборите на 24 април и 8 мај да поминат во фер и демократска атмосфера.
Извор: alsat.mk
