Политикологот Џенур Исени во 24 анализа рече дека треба да и се даде шанса на новата влада за да се покаже во борбата со криминалот и корупцијата.
Според него, премиерот Мицкоски има можност да работи на целиот процес.
„Мислам дека владата треба да покаже резултати во реформите во судството. Огромната победа на изборите беше за одговорноста. Ако не се покажат во оваа област, не викам дека 9 месеци се доволно време, тоа ќе се одразми на изборите многу и на ВМРО-ДПМНЕ и на ВЛЕН. Мислам дека Мицкоски за разлика од другите има добра шанса да се покаже на дело дека сака да работи на оваа власт“, рече Исени.
Тој објасни и дека Албанија го отвори вториот кластер на преговори со ЕУ благодарение на борбата со корупција.
„Се надевам дека е искрен Мицкоски во тоа што го кажува. 9 месеци власт се малце. Албанија почна со реформи и затоа го отврои вториот калстер со преговорите со ЕУ. Таму бевме сведоци дека многу политички чинители се во притвор заради корупција за разлика од кај нас“, додаде Исени.
Извор: 24vesti.mk
