Според пишувањата на локалните медиуми, германскиот тренер Ханси Флик ќе го продолжи договорот со шпанскиот фудбалски гигант Барселона на уште една година.
Како што денеска објави шпанскиот весник Марка, се очекува поранешниот германски селектор на крајот на сезоната да потпише нов договор, до 2027 година.
Според истиот извор, двете страни изминатите денови постигнале финален договор за продолжување на соработката.
Флик во моментов има договор со каталонскиот клуб до крајот на јуни 2026 година.
Марка наведува дека Барселона нема официјално да го потврди продолжувањето на договорот со Флик до крајот на сезоната за да се фокусира на своите настапи на домашната и меѓународната сцена. Како водечки клуб во шпанската лига, финалист во Купот на кралот против вечниот ривал Реал Мадрид и полуфиналист во Лигата на шампионите, Барселона сè уште има шанси да ја освои тројната круна оваа сезона под водство на германскиот стратег во неговата прва година на клупата на каталонскиот клуб.
Извор: kurir.mk
