Земјотресите што се случија во регионот изминативе години, ја алармираа Општина Тетово, каде за прв пат е донесена одлука за формирање комисија, која ќе врши инспекциски надзор на јавните, објектите за колективно домување и културно историските споменици, да се провери нивната сеизмичка издржливост.
„Доколку се констатира дека има оштетувања на конструкциите и нема добра сеизмичка стабилност, тогаш ќе се направат доплнителни лабораториски испитувањања и врз основа на резултатите ќе се излезе со предлог решение за сопствениците или инвеститорите, што да направат понатаму. Во второто полугодие ќе врпиме проверка на индивидуалните објекти “, рече Рилинд Селмани, раководител на Секторот за урбанизам, Општина Тетово.
Професорот Енис Јакупи вели дека вакви инспекции треба да се направат на целата територија на државата. Притоа, приоритет да им се даде на индивидуалните објекти изградени без дозвола до 2011 година.
„РСМ е дел од сеизмички активен регион, па затоа е неопходно да се зголеми нивото на безбедност. Особено треба да се внимава со објектите кои беа легализирани со Законот за легализација, бидејќи тие објекти се легализирани само со геодетска студија. Исто така неопходно е да се проверат и колективни објекти кои имаат надградби“, додаде Енис Јакупи, доктор на технички науки – сеизмичко инженерство.
Со формирањето на комисијата за истражување на сеизмичноста на објектите, процесот се очекува да трае 12 месеци. Во пвите 6 месеци ќе се проверуваат објектите за колективно домуваење и културно историските објекти, а потоа ќе се проверат над 5.000 индивидуални објекти, легализирани со Законот за легализација./Алсат.мк
Башким Сулејмани
Извор: alsat.mk
