Кандидатот за претседател на ВМРО-ДПМНЕ ќе го изберат 500 делегати на Конвенцијата што ќе се одржи на почетокот на март. Првиот човек на оваа партија, Христијан Мицкоски, ги отфрли тврдењата за одредени имиња, додавајќи дека личноста со која неговата партија ќе се натпреварува на претседателските избори ќе биде следниот претседател.
Запрашан за тврдењата дека шефот на ДУИ, Али Ахмети може да биде кандидат за претседател, Мицкоски му порача на лидерот на ДУИ јавно да излезе и да ја објави својата кандидатура и да не дозволува, како што рече, пропагандната машинерија на Артан Груби да го прави тоа наместо него.
Лидерот на македонската опозиција ги коментираше и случувањата во албанскиот опозициски блок, оценувајќи дека по 22 години е дојдено време албанската опозиција да стане обединета и на 8 мај да донесе промени во албанскиот политички блок.
Адриан Керими
Извор: alsat.mk
