Во коалиција „Храбро за Македонија“ за парламентарните избори денеска се здружија партитие Граѓанската опција за Македонија (ГРОМ), Интегра и Партијата за целосна еманципација на Ромите (ПЦЕР). Лидерот на ГРОМ Стевчо Јакимовски најави дека трите партии заедно ќе се борат против политиките кои и политичарите подготвени да предадат се само за да останат на власт, но и против оние спремни се да предадат но после изборите.
-Оваа коалиција се формира јасно да каже дека ниту притисоци, ниту уцени ниту уставни промени ќе поддржиме ниту пред ниту по избори. Остануваме цврсто на ставот за разрешување на оние проблеми кои вештачки ни се наметнуваат од страна на нашите партнери, рече Јакимовски.
Според него, клучно за коалицирање по изборите ќе биде неменување на Уставот, но и реформи во образованието, здравството, воспоставување квалитетна економска политика , подигање на нивото на социјална заштита за оние кои имаат функционална неспособност и реформа на државната администрација во која нема да биде дозволено некој да седи дома, а да зема плата.
Претставни се и носителите на листи. Носител во изборната единица еден ќе биде д-р Добрила Андоновска, специјалист за пластична хирургија, во изборна единица два носител на листата е професор д-р Љупчо Ристевски, во изборна единица 3 е Јордан Николов, доктор по ветеринарна медицина, во четвртата изборна единица носител е менаџерката Ружица Николова, во петтата изборна единица изборна петка носител е Самка Ибраимовски, економист и во шестата изборна единица носител на листата на коалицијата е електротехничарот од Гостивар, Зоран Софревски.
Извор: skopskoeho.mk
