реклама
За граѓаните без разлика на етничката припадност, поважно е да живеат во држава во која има високи плати, подобар животен стандард и правда. Вака изјавил Имер Селмани, поранешен политичар и кандидат за претседател на државата за РСЕ. Вели дека сонот за големи држави не постои кај совесните граѓани.
„Најголема суштинска потреба на граѓаните е да се чувствуваат безбедни од правен аспект, да се чувствуваат рамноправни што кога ќе одат во државната администрација со било кое барање, за мало или големо прашање, да се третираат исто како и секој друг граѓанин, без разлика на која општествена класа припаѓа, ако е политичар, бизнисмен или обичен работник, или кога одат во суд, во обвинителство или во полиција. Мислам дека итна потреба на граѓаните сега е да се почувствуваат дека не се правно дискриминирани, тоа е прво – правна сигурност. Втората работа е секако подобар и повисок животен стандард“, вели Имер Селмани.
реклама
И токму оваа еднаквост меѓу граѓаните, според него, носи потреба од законски измени, па дури и според Селман, дури и на Уставот, бидејќи еволуција секогаш има.
„Ниту уставот на било која земја е вечен, ниту законите се вечни, така што секогаш целта е за подобар напредок, за повеќе права. И Македонците имаат право да бараат повеќе права, и Албанците секогаш имаат право да бараат повеќе права. Сепак, живеењето во заедница е како да живеете во дома со деца и жена и секогаш ќе завршите да барате компромиси. Така, сега после 22 години имаме ситуација кога добар дел од општеството е задоволен, но имаме и несреќни луѓе, без разлика дали се поединци, поголем или помал процент, дали се политичари, тоа е работа која допрва ќе еволуира“, додава Имер Селмани.
реклама
Според Селмани, наша судбина е да живееме во мултиетничка држава во која понекогаш се чувствуваме поудобно, а некогаш не, но сепак нагласува дека граѓаните знаат да го ценат она што е добро без да се основаат на етничка припадност.
реклама
