Припадници на Министерството за внатрешни работи,
Дирекција за технологија, Служба за борба против високотехнолошкиот криминал,
во продолжение на акцијата „Армагедон“, по наредба на Специјалното одделение за
високотехнолошки криминал на Вишото јавно обвинителство во Белград, во
соработка со полициските одделенија во Белград, Лесковац, Нови Сад, Кикинда,
Крушевац, Чачак, Сомбор, Крагуевац, уапсија осум лица поради постоење основи на
сомнение дека сториле кривични дела прикажување, набавување и поседување порнографски
материјал и експлоатација на малолетни лица за порнографија и сексуално
вознемирување.
Осомничените С. Ј. (24), А.Ѓ. (33), Е. Б. (40), Л. Т.
(26), М. И. (32), М. Б. (64), В. С. (37) и државјанинот на Руската Федерација
А. А. (39), во текот на подолг временски период, преземале, складирале и
споделувале содржини создадени преку експлоатација на деца за порнографски цели
преку интернет. А.Ѓ, Л.Т. и М.И.
регистрирале лажни профили преку социјалните мрежи и апликации, претставувајќи
се како девојчиња на возраст од 12 и 13 години, со цел потоа да стапат во
контакт со оштетени малолетници од кои барале и добивале фотографии и видеоматеријали
со сексуална содржина на кои се појавуваат оштетени малолетници.
При претресот на становите и другите простории на сите
осомничени, пронајдени се фото и видеоматеријали на електронските уреди
создадени со експлоатација на деца и малолетници за порнографски цели.
Осомничените, заедно со кривичната пријава, се однесени
во надлежното обвинителство.
Оваа акција е дел од меѓународна операција насочена кон
борба против сексуалната експлоатација и злоупотреба на деца на интернет.
Извор: vecer.mk
