Големиот пожар што беснее на грчкиот остров Китира, јужно од полуостровот Пелопонез, од саботата, повторно се разгоре денес околу 15 часот, објави државната телевизија ЕРТ.
Малку подоцна, жителите на три населби добија пораки од бројот за итни случаи 112 за превентивна евакуација на морскиот брег.
Пожарот денес се пресели во југоисточниот дел од островот, во различно подрачје од она што беше зафатено од пожарот претходно, пренесува БТА.
Според проценките, изгорените површини – шуми и земјоделско земјиште – претставуваат околу една петтина од вкупната територија на островот.
Извор: kurir.mk
