Филмските работници и педагози Митко Панов и Синоличка Трпкова формално пет години го користат методот филмот како терапија. Според нив, креативноста е нешто што сите нас не одржува во живот. Почнувајќи преку работилници, па сè до крајниот резултат, тие заедно со неколку лица хоспитализирани во психијатриската болница Демир Хисар создадоа филм, во нестандарни услови и со необични правила за снимање. Во филмот свој придонес имаат и Феми Даут, Игор Џамбазов, Васко Тодоров, Атиџе Муратова и Благоја Груевски. Премиерата се очекува оваа есен.
Извор: 24vesti.mk
