ЕУ ги осуди експлозиите во Иран како терористички чин: Насилниците мора да одговараат

Во две експлозии предизвикани од „терористички напади“ во Иран загинаа повеќе од 100 луѓе, а десетици беа ранети, на одбележувањето на годишнината од смртта на воениот командант Касем Сулејмани, убиен во напад на американско беспилотно летало во 2020 година, објавија иранските власти

Европската Унија побара сторителите на двeте експлозии во кои загинаа најмалку 103 лица во толпата луѓе собрани за да го одбележат убиството на генералот Касем Сулејмани, да бидат изведени пред лицето на правдата.

„ЕУ најостро го осудува денешниот бомбашки напад во градот Керман во Иран. ЕУ ја изразува својата солидарност со иранскиот народ. Овој чин на терор донесе шокантна бројка на цивилни жртви и повредени. Нашите мисли сега се со жртвите и нивните семејства. Насилниците мора да одговараат“,

наведе портпаролот на ЕУ во соопштение.

Во две експлозии предизвикани од „терористички напади“ во Иран загинаа повеќе од 100 луѓе, а десетици беа ранети, на одбележувањето на годишнината од смртта на воениот командант Касем Сулејмани, убиен во напад на американско беспилотно летало во 2020 година, објавија иранските власти.

Иранската новинска агенција Тасним, повикувајќи се на сигурни извори, објави дека „експлодирале две вреќи со бомби“ во близина на гробницата. Бомбите очигледно биле активирани со далечински управувач, додава агенцијата.

Иранскиот министер за внатрешни работи Ахмад Вахиди рече дека безбедносните власти ќе одговорат „брзо и силно“ на двојните бомбашки напади.

Вахиди рече дека повеќето од жртвите во југоисточниот град Керман биле убиени во вториот бомбашки напад.