АНКАРА (АА) – Турскиот претседател Реџеп Таип Ердоган денес во Истанбул се состана со членовите на Претседателството на Босна и Херцеговина, јавува Анадолу.
Ердоган во палата „Вахдетин“ одржа состанок зад затворените врати со претседавачката со Претседателството на Бих, Жељка Цвијановиќ и со членовите на Претседателството на БиХ, Денис Беќировиќ и Жељко Комшиќ, соопштено е од Дирекцијата за комуникации при Кабинетот на претседателот на Туркије.
Не се објавени дополнителни информации за состанокот, што се одржа неколку недели по двата силни земјотреси што на 6 февруари го потресоа јужниот дел на Туркије, во кои смртно настрадаа над 43.550 луѓе.
Многу држави од светот веднаш по разорните земјотреси испратија тимови за пребарување и спасување, како и хуманитарна помош за жртвите во Туркије.
Извор: www.aa.com.tr
