Ердоган во Багдад се состана со ирачкиот претседател Рашид

БАГДАД (АА) – Турскиот претседател Реџеп Таип Ердоган за време на посетата на Багдад оствари средба со ирачкиот претседател Абдул Латиф Рашид, јавува Анадолу.

Средбата во Багдадската палата беше затворена за новинарите.

Турскиот претседател Ердоган денеска пристигна во официјална посета на Багдад, главниот град на Ирак.

Во делегацијата предводена од Ердоган, меѓу останатите се и министерот за надворешни работи Хакан Фидан, министерот за внатрешни работи Али Јерликаја, министерот за одбрана Јашар Ѓулер, министерот за трговија Омер Болат, министерот за енергетика и природни ресурси Алпарслан Бајрактар ​​и шефот на Директоратот за комуникации при турското Претседателство, Фахретин Алтун.

Ердоган во рамките на неговата еднодневна посета на Багдад ќе оствари средба и со премиерот Мухамед Шија ал Судани.

Ердоган и Ал Судани потоа ќе одржат заедничка прес-конференција, а планирано е да се потпишат бројни договори меѓу двете држави.

Турскиот претседател ќе го посети и Ербил во рамки на посетата на Ирак.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.