ИСТАНБУЛ (АА) – Проектот за Патот на развојот, предводен од Туркије и Ирак, ќе даде „значаен придонес“ за стабилноста и просперитетот и на Ирак и на целиот регион, истакна денес турскиот претседател Реџеп Таип Ердоган на заедничката прес-конференција со ирачкиот премиер Мухамед Шиа ал-Судани во главниот град Анкара, јавува Анадолу.
Ердоган ја изрази желбата на Туркије за постигнување брз напредок по прашања како што е продолжувањето на испораката на нафта преку нафтоводот Ирак – Туркије.
„Ја потврдивме нашата одлучност да продолжиме со борбата против ПКК, ФЕТО и ДАЕШ, кои претставуваат закана не само за националната безбедност на Туркије, туку и за безбедноста на Ирак“, додаде Ердоган.
Во врска со тензиите меѓу Пакистан и Индија, турскиот претседател истакна дека Анкара работи на смирување на кризата пред да стигне „до точката од која нема враќање, и покрај напорите на некои да ја разгорат“.
Ирачкиот премиер Ал-Судани, од своја страна, рече дека Проектот за Патот на развојот претставува голема можност за зајакнување на интеграцијата помеѓу Туркије и Ирак.
Извор: Anadolu Agency (AA)
