Генералниот секретар на интернационална полициска организација, Гоце Делчев Тодев во Аргуент плус рече дека, веднаш после трагедијата во Кочани, МВР реагирале навреме.
Според него, полицијата имала ингеренции да ја спречи трагедијата во моментот кога дознала дека во дискотеката има малолетници.
„Јавноста нема никаква слика, освен МВР што се покажа дека ја заврши една од клучните работи и реагираше навреме. Она што го слушаме е дека немаме никаков одговор и нема ништо конкретно. Родителите и блиските секојдневно кукаат на гробовите и цел живот ќе се сеќават на тие сцени. Полицијата може да направи се, и тоа се е во рамките на нивната ингеренција. Ние го имаме моментот каде полициските службеници имале задача легитимирање на лицата и интервенирање ако има малолетни лица. Имавме извештај во кој полицијата имала сознание дека има малолетници и имала ингеренција да прекине се. Можеле да ја прекинат музиката и да интервенираат и би се спречила трагедијата. Кога виделе дека има пиротехника можеле да бараат документ дали е легално и по закон и таа енигма ни е позната но се уште имаме непознати моменти за тоа кој и како издвал дозволи“, рече Делчев Тодев.
Извор: 24vesti.mk
