Ердоган: „Ќе работиме деноноќно додека не ги обновиме погодените градови од земјотресот“

March 27, 2023
1 min read

ИСТАНБУЛ (АА) – Турскиот претседател Реџеп Таип Ердоган уште еднаш истакна дека турските власти ќе направат сè што е потребно за да им помогнат на луѓето во областите погодени од разорните земјотреси на југот на Туркије, јавува Анадолу.

Ердоган ги посети погодените од земјотресот, кои престојуваат во Студентскиот дом во квартот Бујукчекмеџе во Истанбул.

„Нашата цел е за една година да го подигнеме на нозе регионот погоден од земјотресите со изградба на 319 илјади домови со сета потребна инфраструктура, како и општествени и деловни објекти, односно вкупно 650 илјади домови“, рече Ердоган.

Тој истакна дека во последните месец и половина по денот на земјотресот завршени се акциите за пребарување и спасување, реализирана е дистрибуцијата на итната помош и брзо се отстранети урнатините.

Додаде дека продолжуваат со изградба на привремени сместувачки објекти, како и со изградба на постојани домови.

Потсети дека граѓаните на Туркије се покрај погодените од земјотресите од првиот ден.

„Исто така, никогаш нема да ја заборавиме меѓународната помош, особено од пријателските и братски земји“, рече Ердоган.

Истакна дека во изминатите денови ги посетиле погодените градови од земјотресите каде присуствувале на свеченостите по повод почетокот на изградбата на новите станбени згради.

„Ќе работиме деноноќно додека не ги обновиме Кахраманмараш, Хатај, Адијаман, Малатија, Газиантеп и сите наши други градови кои претрпеа штети во земјотресите“, рече турскиот претседател.

Два разорни земјотреси со јачина од 7,7 и 7,6 степени според Рихтер на 6 февруари ги погодија јужните делови на Туркије со епицентар во Кахраманмараш.

Бројот на загинати во разорните земјотреси достигна 50.096.

Над 13,5 милиони луѓе во Туркије се погодени од разорните земјотреси, како и многу други на северот на Сирија.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS).

Извор: www.aa.com.tr

VERO JUMBO MACEDONIA

EVN MACEDONIA

MARKETING

ЛОКАЛНИ ИЗБОРИ 2025

Претходно

Мартинез: Роналдо е важен за Португалија

Следно

Германија погодена од најголемиот штрајк на транспортните работници во последните децении

Latest from Blog

Швебе ги спасуваше „јарците“, но Борусија се спаси во 7. минута од судиското продолжение!

Фото: Борусија Дортмунд Х Во рамките на осмото коло од германската Бундеслига, екипата на Борусија Дортмунд на домашен терен го совлада Келн со гол постигнат во последната минута од натпреварот. Се очекуваше

Претседателот на македонско друштво “Илинден”-Тирана, Никола Ѓурѓај му ја врачи наградата “Илинден” на Лорант Винце, претседател на ФУЕН

Претседателот на македонското друштво “Илинден”-Тирана, Никола Ѓурѓај, му ја врачи почесната награда “Илинден” на Лорант Винце, претседател на Федералната унија на европските националности (ФУЕН). Почесната награда ”Илинден” за 2025 година и беше

Левичарката Кетрин Коноли победи на претседателските избори во Ирска

Според прелиминарните резултати, независната кандидатка на левичарската партија, Кетрин Коноли, победи на претседателските избори во Ирска со убедлива разлика, освојувајќи 64 проценти од гласовите по преброени две третини од гласачките ливчиња. Нејзиниот
Go toTop