Ердоган: „Ќе ја продолжиме нашата борба сѐ додека не се формира независна палестинска држава“

November 29, 2024
1 min read

АНКАРА (АА) – Турскиот претседател Реџеп Таип Ердоган денес ја истакна важноста од единство и заедничка акција на исламските земји како одговор на тековниот напад на Израел врз Газа, јавува Анадолу.

Претседателот Ердоган рече дека најновите случувања во Појасот Газа и окупираните палестински територии од 7 октомври 2023 година уште еднаш ја покажале критичната важност на единството и солидарноста на исламските народи.

Тој ги даде овие изјави во видеопораката до Меѓународниот хуманитарен самит „Иднината на Газа“, кој беше организиран во Истанбул од турската фондација „Дијанет“ и фондацијата „Ал Каир“.

„Речиси 50.000 наши сестри и браќа Палестинци, повеќето деца и жени, се убиени пред очите на светот“, рече тој, додавајќи: „Како резултат на израелските бомбардирања, директно насочени кон цивилите, над 100.000 невини Палестинци се повредени.“

Тој изрази жалење што израелските напади врз Либан резултираа со над 3.500 смртни случаи и дека „местата за богослужба, училиштата, болниците и цивилната инфраструктура беа цел на нападите од Израел“.

„Туркије пред овие напади се солидаризира со нашите браќа и сестри Палестинци“, вели тој.

„Во текот на изминатата година особено се обидовме да им подадеме рака за помош на нашите сестри и браќа во Газа и во Либан“, истакна Ердоган, потсетувајќи: „Со испорачани над 86.000 тони помош ние сме меѓу земјите што ѝ даваат најголема поддршка на Палестина.“

Тој посочи дека помошта испорачана во Либан надминала 1.300 тони, додавајќи: „Продолжуваме со нашите дипломатски напори да обезбедиме исламските земји да одговорат колективно на угнетувањето во Газа и да дејствуваат заедно.“

„Нашата борба ќе продолжи сѐ додека не дојде крај на окупацијата и масакрите во Палестина и не се воспостави независна, суверена и територијално обединета палестинска држава, со источен Ерусалим како главен град, врз основа на границите од 1967 година“, истакна тој, изразувајќи го своето верување дека „меѓународниот самит за хуманитарна помош ќе нѐ поддржи во оваа борба“.

Израел започна геноцидна војна во Појасот Газа по прекуграничниот напад на палестинската група Хамас во октомври минатата година. Во израелските напади убиени се над 44.300 палестинци, повеќето жени и деца, а повредени се речиси 104.900.

Втората година од геноцидот во Газа наиде на зголемена меѓународна осуда, при што официјални лица и институции ги означија нападите и блокирањето на испораката на помош како намерен обид за уништување на населението.

Минатата недела Меѓународниот кривичен суд (МКС) издаде налози за апсење на израелскиот премиер Бенјамин Нетанјаху и поранешниот министер за одбрана Јоав Галант за воени злосторства и злосторства против човештвото во Газа.

Израел, исто така, се соочува со случај за геноцид пред Меѓународниот суд на правдата за неговата смртоносна војна против Газа.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.

Извор: Anadolu Agency (AA)

MARKETING

MARKETING

Претходно

Родри и Винисиус меѓу номинираните за најдобар фудбалер во избор на ФИФА

Следно

Вонредната седница на Советот на Град Скопје за барањето за приватните превозници најавена за 13 часот

Latest from Blog

Предлог-извештајот на Вајц за Македонија пред пратениците во ЕП – шансите да остане македонскиот јазик се многу мали

Дел од европратениците нема да гласаат за бришење на македонскиот јазик и идентитет од извештајот на Европскиот Парламент, порача премиерот Мицкоски. На само неколку часа пред документот за напредокот на земјата, да

ПРВИ РЕЗУЛТАТИ ОД ИСТРАГАТА: Ова е најверојатната причина за сообраќајката во која загинаа Жота и Силва

Првите резултати од истрагата за сообраќајната несреќа во која напаѓачот на Ливерпул, Диого Жота, и неговиот брат Андре Силва ги загубија животите минатата недела во Шпанија укажуваат на „голема брзина“ со која

Сирија бара помош од ЕУ за справување со пожарите во Латакија

ДАМАСК (АА) – Дамаск побара поддршка од Европската Унија за помош во контролирањето на шумските пожари што беснеат во руралниот дел на Латакија во северозападна Сирија, изјави денес сирискиот министер за вонредни

Алиу – Срцева: На Клиниката за ТОАРИЛУЦ се реализирани или во фаза на реализација над 23 проекти и иницијативи за една година

Министерот за здравство, Азир Алиу денеска ја посети Клиниката за ТОАРИЛУЦ, во рамки на која е во напредна фаза темелна реконструкција на КАРИЛ. -Оваа реконструкција е согласно најсовремените европски и светски стандарди,

Сиљановска Давкова разочарана од Брисел

Европскиот парламент се подготвува идната недела да изгласа амандман со кој од годишниот извештај за напредокот на Северна Македонија се бришат сите директни споменици на „македонски јазик“ и „македонски идентитет“. Договорот –
Go toTop