Легендарниот Домагој Дувњак разговараше со медиумите после победата на Хрватска над Словенија, со која „каубоите“ обезбедија учество во четвртфиналето на ракометниот Мундијал, изјавувајќи дека играл со последниот атом на силите и упати благодарност до своите соиграчи.
Хрватска во тензичен натпревар успеа да го надигра соседите и ја оствари целта, а искусниот Дувњак играше повреден и „стисна заби“ кога беше најпотребно.
„Имавме катастрофален почеток на натпреварот. Се радувам што успеавме да се вратиме до крајот на првиот дел. Ова се многу тешки мечеви, особено пред своја публика.
Бевме како блокирани првите десет минути, а тоа беше мал шок после нашето издание со Исланд, кога летавме по теренот. Мислам дека клучен беше кам-бекот во првото полувреме.
Ако имавме негатива од 3-4 гола, веројатно немаше да победиме. Се мачев, играв повреден. Не е добро, листот не е добар, ја влечам ногата. Практично, трчам на една нога и се надевам дека нема да биде уште полошо.
Терапиите малку помагаат, тука се и медицинските лица и физиотерапевтите, кои даваат максимум од своите можности. Ме мотивираат соиграчите, тие се фантастични“, изјави Дувњак.
Хрватска и Унгарија попладнево од 17:30 часот ја отвораат четвртфиналната програма на Мундијалот.
Извор: kurir.mk
