Само неколку дена по веста дека против претседателот на француската партија „Хоризонти“, Едуар Филип, е покрената официјална истрага за сомнежи за проневера на јавни средства, фаворизирање, незаконски судир на интереси и изнуда во Авр, неговиот рејтинг доживеа сериозен пад. Филип изгуби четири проценти поени во споредба со претходните анкети од март, покажува најновиот барометар на агенцијата „Одокса“, објавен во вторникот.
Со високи 32 отсто поддршка, кандидатот на десничарскиот Национален собир (РН) и понатаму е во убедливо водство во оваа анкета, на нешто повеќе од една година пред претседателските избори во Франција, пренесува „Фигаро“.
Сепак, најклучниот и најинтересен податок се однесува на битката за второто место во првиот круг од гласањето. Едуар Филип, кој во моментов има 17 отсто поддршка, сега се наоѓа во исклучително тесна трка и му дише во врат левичарскиот лидер Жан-Лик Меланшон, кој има 16 отсто поддршка од гласачите.
Извор: vecer.mk
