Донфрид: САД се загрижени поради извештаите за руски заговор за дестабилизација на Молдавија

February 16, 2023
1 min read

Изјавата на помошник државната секретарка на САД доаѓа по минатонеделните обвинувања на молдавската претседателка Маја Санду која кажа дека Русија планира да користи странски саботери од други земји како Србија, Црна Гора и Белорусија за да го собори раководството на Молдавија и да го запре нејзиното пристапување кон ЕУ

Во интервју за молдавскиот сервис на Радио Слободна Европа, Донфрид вели дека Вашингтон добро ја знае книгата според која се управува со Русија и оти ќе продолжи да стои на страната на Молдавија

Коментирајќи ги неодамнешните изјави на претседателката на Молдавија, Маја Санду, и украинскиот претседател Володимир Зеленски за руски заговор против молдавското раководство, помошник државната секретарка на САД, Карен Донфрид, вели дека Соединетите Држави се длабоко загрижени поради извештаите за наводниот заговор за дестабилизација на Молдавија.

Во интервју за молдавскиот сервис на Радио Слободна Европа, Донфрид вели дека Вашингтон добро ја знае книгата според која се управува со Русија и оти ќе продолжи да стои на страната на Молдавија.

„Мислам дека сите сме премногу запознаени со руските игри. Видовме што направи Русија на многу места, вклучително и Молдавија, вклучително и Украина, вклучително и Грузија. Списокот може да продолжи“,

изјави помошник државната секретарка на САД и додаде дека Вашингтон е во многу близок контакт со молдавските партнери во овој, како што рече, критичен период,

Донфрид истакна дека Молдавија е во ранлива географска положба поради војната во соседна Украина и предизвикот на отцепеното Приднестровје, каде што Русија одржува војници. 

„Додека Молдавија се соочува со овие тешкотии, го има раководството на претседателката Маја Санду, кое покажа длабока посветеност на реформската агенда и желба да се придвижи напред на патот кон создавање посилна демократија во Молдавија“,

рече Донфрид.

Изјавата на помошник државната секретарка на САД, доаѓа по минатонеделните обвинувања на молдавската претседателка Маја Санду која кажа дека Русија планира да користи странски саботери од други земји како Србија, Црна Гора и Белорусија за да го собори раководството на Молдавија и да го запре нејзиното пристапување кон Европската Унија.

Украинскиот претседател Володимир Зеленски минатата недела изјави дека неговата земја открила руски разузнавачки план за уништување на Молдавија. Неколку дена подоцна, молдавската влада поднесе оставка.

По наводите за руска дестабилизација на Молдавија, оваа земја во вторникот накратко го затвори својот воздушен простор поради безбедносни причини и за да ги истражи извештаите за постоење летечки објект на небото, во вид на балон.

Молдавија неодамна соопшти дека руска ракета го нарушила нејзиниот воздушен простор за време на напад врз украинската инфраструктура и го повикала рускиот амбасадор на разговор во знак на протест.

Извор: 360stepeni.mk

MARKETING

MARKETING

Претходно

Германија на крајот на март ќе ѝ испрати на Украина „половина баталјон“ од тенковите „леопард 2“

Следно

Елиф Елмас почна акција за помош на настраданите од земјотресот во Турција

Latest from Blog

ФОТО: Невеш со емотивна објава се прости од Жота – „Животот нè спои и сега ништо не може да нè раздели“

Фудбалскиот свет сè уште е во шок по трагичната смрт на ѕвездата на Ливерпул и португалски репрезентативец, Диого Жота заедно со својот брат Андре го загуби животот во сообраќајна несреќа во четвртокот

АТС АММО: Пожарот во близина на Самоков целосно локализиран и изгаснат, без опасност по фабриката

Компанијата АТС АММО од Самоков, Македонски Брод, излезе со соопштение по повод денешниот пожар што избувна во близина на нивната фабрика. Од таму информираат дека пожарот бил целосно локализиран и веднаш потоа

Високи температури утре низ државата; портокалово предупредување од УХМР

Утре (недела, 6 јули 2025) се очекува стабилно, претежно ведро време со изразен пораст на температурата и активен портокалов аларм за екстремна горештина на целата територија на Македонија. Општинските служби советуваат ограничување

Израел ќе испрати делегација во Катар на преговорите за прекин на огнот во Појасот Газа

Израелски медиуми објавија дека Израел ќе испрати делегација во Катар која ќе преговара за ослободување на заложниците и прекин на огнот во Појасот Газа. Но, не е прецизирано кога израелската делегација ќе
Go toTop