Воопшто не се сомневав как и поголемиот дел од членството дека д-р Филипче ја заслужува позицијата претседател на СДСМ. Сега во следниот период новиот претседател ќе треба да ја демантира перцепцијата на членството дека ќе биде инструмент во нечии раце туку ќе биде лидер кој бргу ќе ја консолидира партијата, вели Аднан Џафероски, поранешен член на ИО на СДСМ, во СТУДИО 10 на ТВ 24.
– Јас укажував дека раководство во оставка не може да организира партиски избори туку треба да има времено раководство задолжено само за спроведување внатрепартиски избори. Поради тоа бев отстранет од ЦО, за да не го кажам тоа јавно во партијата. Мене ме чуди што мојата сопартијка која не се согласи со мојот предлог на два дена пред изборите почна да го бара истото. Сепак, изборите се легитимни и претседателот е легитимен. Оние што сами се регистрираа, а не по инерција и автоматски, тие членов излегоа на гласањето. И тоа е нашето вистинско членство. Не е реално да имаме 80 илјади членови, реално е да имаме околу 15 илјади, вели Џафероски правејќи споредба со бројот на активно членство на партиите во Германија.
Џафероски вели дека очекува до следните внатрепартиски избори за 9 месеци Филипче ќе покаже дека има обединувачки квалитети.
Извор: 24vesti.mk
