ИЗЛОЖБА, 4 ПРЕТСТАВИ И ПРОМОЦИЈА НА КНИГА НА МАКЕДОНСКОТО КУЛТУРНО ЛЕТО ВО ПУСТЕЦ, АЛБАНИЈА

July 2, 2024
1 min read

Изложба, промоција на книга, три театарски претстави и една претстава за деца се дел од фестивалот Македонско културно лето во Општина Пустец, Албанија, чие 19. издание по ред почна синоќа.

Фестивалот се отвори во Музејот посветен на албанскиот писател со македонско потекло Стерјо Спасе во селото Глобочани, со изложба на дела од скулпторот Синиша Новески и промоцијата на книгата „Македонското традиционално пеење во Мала Преспа, Гора и Голобрдо“ од поп-пејачката Андријана Јаневска, виолинистка во Операта и професорка на Факултетот за музичка уметност (ФМУ) во Скопје. Јаневска пред десет години почнала да собира народни песни одејќи во повеќе села во регионите Мала Преспа, Голо Брдо и Гора.

„Насловот на трудот е: ‘Македонското традиционално народно пеење во Мала Преспа, Голо Брдо и Гора’. Застапени се песни од сите три региони и тоа: аргатски песни, балади, броенки, ѓурѓовденски, жетварски, комитски, лазарски, лирски, љубовни, ороводни, печалбарски, приспивни, револуционерни, свадбарски, сунетски и хумористични песни. Народното творештво претставува еден од најзначајните сегменти во севкупниот материјално-духовен идентитет на македонскиот народ. Македонското традиционално народно пеење во регионите Мала Преспа, Голо Брдо и Гора низ различни периоди на културниот и на историскиот развој, од музички аспект е речиси неистражено. Тоа беше главната причина за изработка на овој труд“, вели Јаневска.

Фестивалот го отвои минстерот за култура и туризам, Зоран Љутков, кој рече дека преку културата, „ги уриваме границите и ги засилуваме врските со нашинците“.

Фестивалот го организира Здружението на Македонците по потекло од Албанија „Сонце“, чија цел е заштита, развој и промоција на македонската култура кај македонското малцинство во оваа земја.

ИЗВОР: sdk.mk

MARKETING

MARKETING

Претходно

Џафероски во СТУДИО 10: Филипче треба да покаже дека не е инструмент во нечии раце туку лидер со интегритет

Следно

Де Брујне можеби го одигра и последниот натпревар за Белгија

Latest from Blog

Зеленски: Крим и припаѓа на Украина

Украинскиот претседател Володимир Зеленски денеска го отфрли тврдењето на американскиот претседател Доналд Трамп дека „Крим ќе остане со Русија“, истакнувајќи оти полуостровот и припаѓа на Украина. „Нашиот став е непроменет: само украинскиот

Финалето од Купот на Македонија ќе се игра на Националната арена „Тодор Проески“

На денешната седница на Управниот одбор на Фудбалската федерација на Македонија (ФФМ) донесена е одлука финалето од Купот на Македонија да се одигра на Националната арена „Тодор Проески“ во Скопје. Финалниот натпревар

Во престрелката на Бит Пазар загина 31-годишен маж

Министерството за внатрешни работи соопшти дека 31-годишен маж со иницијали А.С. од Скопје почина од повредите здобиени при пукање попладнево во близина на Полициската станица во Бит Пазар. Претдходно преку соопштение полицијата

ФФМ донесе одлука за отпочнување на постапка за проект воспоставување ВАР – Фаза 2

На денешната седница на Управниот одбор на Фудбалската федерација на Македонија (ФФМ) донесена е одлука за отпочнување на постапка за проект воспоставување ВАР – Фаза 2 и отпочнување на постапка за проект
Go toTop