Денеска во Чешка е Ден на жалост за жртвите од пукањето на Карловиот универзитет во Прага претходно неделава.
Знамињата на зградите на јавните институции се спуштени на половина копје, а на нив има црни ленти. Премиерот Петр Фиала повика на едноминутно молчење напладне. Трговците рекоа дека ќе го почитуваат тоа.
Многу предбожиќни настани се откажани, а државната телевизија емитува специјална програма.
Вкупно 14 лица загинаа, а 25 беа повредени откако студент отвори оган во четвртокот попладне на Универзитетот на плоштадот „Јан Плач“. Ова е најголемото масовно пукање во чешката историја.
Според чешката полиција, напаѓачот, кој легално поседувал голем арсенал, потоа се застрелал. Се верува дека го убил својот татко пред масовното пукање во центарот на Прага и дека пред една недела убил маж и неговата ќерка.
Комеморации се одржаа во прашката катедрала Св. Вид и во други цркви. Ожалостените положија цвеќе и запалија свеќи пред универзитетските згради. Објавени се имињата на убиените, а меѓу нив е и Ленка Хлавкова, раководител на Институтот за музички студии на универзитетот. Од целиот свет пристигнуваат пораки со сочувство.
Извор: 360stepeni.mk
