Во Кривичен суд продолжи судењето за убиствата на Вања Ѓорчевска и Панче Жежовски, со испитување на сведоци на одбраната.
Сведочеше Зоран Петковски, порано работел во полиција, и се претстави дека е член на Комисијата за безбедност на партијата „Десна“ на Љупчо Палевски.
Тој во судницата каа дека се слушал и допишувал со Палевски утрото на 27. ноември 2023 година.
„Со Палевски се слушав и се допишував критичниот ден на 27 ноември 2023 година. Комуникацијата се одвиваше меѓу 8:20 и 9 часот на таен канал за електронска комуникација преку Телеграм, креиран од Палевски. Со Палевски разговаравме за ирански дронови. Добив задача од Палевски да соберам информации околу ова и да ги известам останатите членови на Комисијата за безбедност“, рече Петковски.
Сведокот потоа рече дека бил викнат во полициската станица Пролет, во врска со просториите на партијата.
„Вклучив и диктафон, таму бевме со началникот Зарински, а беше и колегата Дејан Димевски. Ми се обрати Зарински и ме праша дали го познавам Боре. Му одговорив потврдно. Ми покажа дупка во ѕидот и ми рече: Ова ти е од Боре. Ми кажа дека користел стари методи за добивање признанија. Признанието е изнудено, и тоа треба да се земе во предвид“.
Потоа на прашање од обвинителката, сведокот рече дека не ги чува пораките од Палевски за иранските дронови.
„Каналот е креиран од Палевски, и после 30 минути се бришат и каналот и комуникацијата“, кажа сведокот.
Судењето е прекинато поради нејасна листа со сведоци и докази на Палевски, по што судењето продолжува на 5. март.
ИЗВОР: ТВ 21
