Новата бугарска службена Влада предводена од премиерот Димитар Главчев вчера положи заклетва во Парламентот. Претходно, Владата беше назначена од бугарскиот претседател Румен Радев, кој најави предвремени избори на 9 јуни годинава.
Ова ќе бидат шести избори од 2021 година, откако партијата Има таков народ (ИТН) на 28 март одби да формира Влада, која е трета партија која одбива мандат.
И партијата ГЕРБ и партијата Промените продолжуваат-Деморкатска Бугарија (ППДБ) претходно изјавија дека не можат да формираат нов владин кабинет.
Бугарија од април минатат година имаше заедничка Влада поддржана од ППДБ и ГЕРБ, кои се договорија за 18-месечна Влада со ротирачки премиери. Прво премиер беше Николај Денков од ППДБ, а потоа Марија Габриел од ГЕРБ.
Како што беше договорено, Денков поднесе оставка на почетокот на март и го отстапи местото на ГЕРБ да ја води Владата во следните девет месеци.
Извор: 24vesti.mk
