ГАЗА (АА) – Бројот на загинати Палестинци во тековните израелски напади врз Појасот Газа, кои интензивно продолжуваат веќе 20 дена, се искачи на 7.028, пренесува Анадолу.
Портпаролот на Министерството за здравство во Појасот Газа, Ашраф Ал-Кудра, на прес-конференцијата во Газа даде информации во врска со израелските напади во подрачјето.
Кудра нагласи дека во израелските напади во Газа, кои продолжуваат од 7 октомври, убиени се 7.028 лица, од кои 2.913 деца, 1.709 жени и 397 стари лица.
Тој информира дека како резултат на израелските напади повредени се 18.484 лица.
Според него, од вчера до денес Израел извршил 43 масакри, а во последните 24 часа се убиени 481 лице во Газа.
Кудра рече дека сѐ уште име луѓе под урнатините на зградите што се урнати во израелските напади во Газа и дека 1.650 лица, од кои 940 деца, се водат како исчезнати.
Меѓу другото, тој истакна дека израелските сили ги таргетирале и здравствените системи, при што се убиени 101 медицинско лице, а 25 амбулантни возила се неупотребливи.
