Бројот на загинати Палестинци во израелските напади од 7 октомври во Газа се зголеми на 23.843

Најмалку 23.843 Палестинци се убиени, а 60.317 лица се повредени во израелските напади во Појасот Газа од 7 октомври, соопшти Министерството за здравство во опколената енклава, пренесува Анадолу.

Во соопштението на Министерството се наведува дека во израелскиот напад во последните 24 часа се убиени 135 лица.

„Израелските окупациски сили извршија 12 масакри врз семејства во Појасот Газа, што резултираше со 135 загинати и 312 повредени во текот на изминатите 24 часа“, се вели во соопштението на Министерството.

Израел продолжи со немилосрдните воздушни и копнени напади врз Појасот Газа по ненадејниот прекуграничен напад на Хамас на 7 октомври. Според официјалните бројки, речиси 1.200 лица загинаа во Израел.

Нападот ја остави Газа во урнатини, при што 60 отсто од инфраструктурата на енклавата е оштетена или уништена, а речиси 2 милиони жители се раселени поради сериозен недостиг на храна, чиста вода и лекови.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.