Белоруските власти го осудија на 10 години затвор добитникот на Нобелова награда за мир

1 min read

Власта на Лукашенко го прогонува со оправдување дека шверцувал пари во готовина и потоа со истите финансирал активности на опозицијата, односно антивладини демонстрации

Алеш Бељачки / Фото: EPA-EFE/TATYANA ZENKOVICH

Судот во Белорусија го осуди на 10 години затвор Алеш Бељацки, добитникот на Нобелова награда за мир. На Бељацки му се закануваа максимални 12 години затвор, а според Центарот за човекови права „Весна“ белорускиот режим го осудил за шверц и финансирање активности кои грубо го кршеле јавниот ред и мир.

Неговите поддржувачи ја осудија ваквата одлуката на судот велејќи дека авторитарниот режим на белорускиот претседател Александар Лукашенко се обидува на ваков начин да го замолчи.

Пресудата следува по исклучително краток судски процес кој започна на 5 јануари годинава.

Бељацки беше уапсен на антивладини протести во 2021 година, а лани заедно со активисти од Русија и Украина ја добија Нобеловата награда за мир.

Власта на Лукашенко го прогонува со оправдување дека шверцувал пари во готовина и потоа со истите финансирал активности на опозицијата односно антивладини демонстрации.

При доделувањето на Нобеловата награда за мир, од норвешкиот Нобелов комитет порачаа дека белоруските власти постојано се обидуваат да го замолчат Бељацки, но тој и покрај огромните тешкотии не отстапува ни педа во неговата борба за човекови права и демократија во Белорусија.

Извор: 360stepeni.mk

Претходно

Истрага против осомничен дилер на марихуана од Скопје

Следно

ФАО: Глобалните цени на прехранбените производи намалени и во февруари, 11-ти месец по ред

Latest from Blog

Спасовски на селекција на кандидати за полициски службеник во Центар за обука Идризово: Сериозен пристап во продуцирање професионални полициски службеници

реклама Денеска (30.09.2023), министерот за внатрешни работи Оливер Спасовски, заедно со дел од раководствата на Министерството