МОСКВА (АА) – Азербејџанскиот претседател Илхам Алиев денес ја обвини Франција дека е една од земјите што ја продолжуваат својата неоколонијална политика, јавува Анадолу.
Говорејќи на состанокот на Движењето на неврзаните во главниот град Баку, Алиев го повика францускиот претседател Емануел Макрон да им се извини на земјите погодени од францускиот колонијализам.
„Извинете им се на милионите луѓе кои неговите претходници (на Емануел Макрон) ги колонизираа, ги користеа како робови, ги убиваа, мачеа и понижуваа.“
„Тоа не само што ќе биде признавање на историската вина на Франција, туку и ќе ѝ помогне да ги надмине последиците од длабоката политичка, социјална и хуманитарна криза во која се најде по бруталното убиство на алжирски тинејџер“, рече тој.
Алиев, исто така, рече дека расистичката и дискриминативната реторика станува вообичаена во Франција, вклучително и во медиумите.
Нахел М., 17-годишник со алжирско потекло, беше застрелан од непосредно растојание од полицаец минатата недела во париското предградие Нантер, за време на сообраќајна контрола.
Полицаецот се соочува со формална истрага за намерно убиство и е ставен во прелиминарен притвор.
Извор: www.aa.com.tr
